:: FLATRON ::

حرامى المولد

اذهب الى الأسفل

حرامى المولد

مُساهمة من طرف sey3a في 7/10/2009, 3:43 am

حرامـــــــي المولــــــــد





إسمه سيد ملقاط



والحرفه حرامى حريف



يسرق الكحل من العين



وإيده من الوزن الخفيف



والنهارده المولد ياسادة



يعنى حيجرَى للمحافظ تنضيف



لبس سيد عدة الشغل



بالطو مخبر وعصاية فى إيده



لزوم التخويف



ورسم على وشه الجدية



تقولش عنتر ومعاة سيف



ورفع إيده للسما وقال



يارب محافظ ودهب وفلوس



إنت عارف إني متواضع وعفيف




عمركم شفتم حرامى بيسرق



وبيطلب العون من اللطيف ؟




ونزل جرى على المولد



بسرعة البرق والطّيف



وقعد يمنّي نفسه بفلوس كتيرة



لزوم الفرفشة والكيف



وصل للمولد وفتح بقه بدهشه



كل دول بشر..؟ احلوّت ياخفيف



ضرب العصاية تحت باطه



ونادى بصوت جهورى مخيف



محفظتك .. حاسب جيبك



من اللصوص أنا بحذركم ياضيوف



نادت وليّة على ابنها ياواد تعالى



لتتوه وتخلي عليك بالي أسيف



وقالت لسيد ربنا يخليك لينا



ياحامينا ياطيب انت ياظريف



بعد جولة كبيرة وسط الناس



وبحث فى مسالك الجيوب والتجاويف



المحصلة صفر ولامليم وجيوب الناس



زي الصينى بعد التنضيف



صرخ سيد يانهار اسود ياجدعان



الناس مفلّسة زي سحابة صيف



سند ضهره على حيطة شادر



مداح جواه بيغنى



والناس نازله تصقيف



وطلع سيجاره دبلانه من جيبه



وبقلبه من القهر نزيف



ضرب بعينه وشاف واحده



جايه ناحيته ولابسه



لبس شعبى نضيف



وفى اديها محفظه نور ليها



وجه سيد وصرخ من الفرحه



أخيرا فرجت ياشيف



فرك صوابعه وانتبه بكل حواسه



كرب أسره مهموم بالمصاريف



قربت الوليّه عليه وبتذلّل



قالت له والنبى يابيه



ماعكش حق رغيف ؟
avatar
sey3a
عضو جديد
عضو جديد

عدد المشاركات : 2

نقاط فلاترون للتميز : 6

تاريخ التسجيل : 07/10/2009

وظيفتك في المنتدى : مواطن فلاتروني

الاوسمة :


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حرامى المولد

مُساهمة من طرف F L A T R O N في 7/10/2009, 4:48 am

يسلموااا يا احلى الاعضاء

_________________
avatar
F L A T R O N
الملك
الملك

رقم العضوية : 1

عدد المشاركات : 195

نقاط فلاترون للتميز : 1116

تاريخ التسجيل : 02/02/2009

وظيفتك في المنتدى : مدير المنتدى

ذكر


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى