:: FLATRON ::

مشرف راح يخطب شوفوا شو عمل

اذهب الى الأسفل

مشرف راح يخطب شوفوا شو عمل

مُساهمة من طرف حمودة في 9/7/2009, 9:29 pm

<table width="100%" border="0" cellpadding="0" cellspacing="0"><tr><td colspan="2">اولا الموضوع دة هزاااااااار وضحك وبس عشان محدش يزعل من الموضووووع كل الحكاية هزاار بس



نخش فى الموضوووووووع
نبداااا
كان المشرف مرتبط بموعد مع العروسة وأهلها
ليتقدم إليها ولكن مكنتش عايز يقفل المنتدى لمدة ساعةودى كانت لحظة اللقاء مع والد العروسة
فاخد اللابتوب معاة وشحنه على آخره وتابع الردود على
الأعضاء فى صفحة الشكاوى وهو راكب التا..ى رايح بيت العروسة طبعا

بمجرد وصوله إلى العروسة سأل عن أقرب فيشة كهرباء لأن الشحن اقرب يخلص
والد العروسة : أهلا يابنى ...إزيك !!

المشرف(وهو مشغولل وبيكتب ويرد على الاعضاء فى المنتدى على اللابتوب): أهلا بيك يا عمى .....

أنا يشرفنى إنى أطلب إيد بنتك هبة ..... موافق ولا لا؟!!

تبادل كل من والد العروسة ووالدتها واخوها نظرات الدهشة

والد العروسة (مستغرب) : حضرتك بتكلمنى ولا بتكلم حد على الإنترنت؟؟

المشرف(مشغول بلوحة المفاتيح) : لا يا عمى أنا بكلمك إنت هو معقولة أتكلم مع حد غيرك وأنا قدام حضرتك!!!

والدة العروسة : طب يابنى طالما بتكلمنا بصلنا طيب

المشرف(لم يرفع عينه ويديه من على جهازه) :ليه يا عمى هو أنا هتكلم بعينى ولا ببقى؟؟

وبعدين جة الولد الصغير(8سنوات) اقرب من العريس مبهورا بالابتوب(الجهاز المحمول) وهو يقول

الولد الصغير : عمو ...هو الجهاز دة فيه ألعاب كتير زى الأتارى الى عندى؟؟

العريس(لسة مشغول بجهازه): أيوة يا حبيبى وأحلى من الى عندك كمان

الولد الصغير : طيب ممكن ألعب شوية ...عشان خاطرى يا عمو؟

(هنا بقى رفع العريس عينه من على جهازه لأول مرة وتوقف عن الكتابة
وهو يوشوش فى أذن الولد الصغير)

العريس: لو خليت أبوك يوافق عليا هلعبك كتير قوى؟؟

جرى الولد الصغير وهو فرحان وهو يقول
بابا بابا أنا موافق إن عمو يتجوز أختى الكبيرة أبلة هبةةةة
ثم إلتفت إلى العريس وهو يقول
ألف مبروك يا عمو!

الوالد(صرخ): أمشى ياد خش ذاكر .... مبقاش إلا إنت يا أبو ريالة الى هتوافق ومتوافقشى

(مشى الولد زعلان ولم يهتم به العريس وقد عاد إلى جهازه مشغول)

الوالد: إنت يا حبيبى إنت كمان ...إنت إيه حكايتك ؟

العريس: حكاية إيه يا عمى .....أنا معنديش حكايات إنت عندك؟

الوالد(غضب): إنت جاى تهزر؟

(لم يدى العريس أى إهتمام وقد ظهر مشغول بموضوع على جهازه)

فإقتربت الأم من الوالد وتكلمت هامستا

الأم: إلا قولى يا حاج .....هو الجدع دة بيعمل إيه على البتاع الى معاه دة ..؟؟
.وإزاى بيكلمنا وهو بيحرك إديه الإثنين على الزراير دى كلها ؟

الوالد: والله معرفشى يا سعاد ..... يظهر والله أعلم إنه بيكتب الكلام الى بيقوله لنا فيطلع من بقه

الأم: يا ندامتى .... معقولة دى يا حاج ؟!!

الأب:طبعا يا سعااد معقولة ماهو إحنا فى عصر التكنولوبيا!!!
إنتى مش شفتى إزاى كان ملهوف على أى فيشة كهربا أول ما جيه لأن
الشحن بتاع الكلام بتاعه كان هيخلص

الأم: يا خويا الى يعيش ياما يشوف!!!
على كدة يا حاج لو النور قطع هيبقى أخرس؟؟!!!!

الأم: طب يا خويا لازم لو وافقت عليه نشترى للبت كرتونة حجارة قلم
عشان تبقى عاملة حسابها فى أى وقت؟؟!!!

الأب(غضب): هو أنا معقولة أوافق على الآلة دى ..... ليه من قلة الرجالة يعنى فى البلد ؟

العريس: حضرتك بتكلمنى يا عمى ؟

الوالد: لأ يا حبيبى أنا بكلم سعاد ؟

العريس: سعاد مين ؟

(دخلت العروسة فى هذه اللحظة م..وفة وهى بتبص فى الأرض
وبيدها أكواب العصير ولكن لم تشووف فيشة الكهرباء فإنقلبت
على وجههاعلى الارض وإنفصلت الفيشة )

العريس(غضب): إيه الى هببتيه دة .....إنتى إزاى تفصلى الجهاز؟؟!!

الأم(بصوت خافت): يا حلاوة .....أهو بيتكلم من غير كهربا أهو يا حاج؟؟

الأب(بصوت خافت): ماهو كان شحن على الآخر يا سعااااد.....افهمى بقى ؟
وبعدين
الوالد: إيه يابنى قلة الذوق دى إنت بتصرخ فى عروستك وإنت جاى تتقدملها ؟؟!!

دة بدل ما تساعدها إنها تقوم وتقولها كلمتين بعد ما فيشتك الهباب دى وقعتها ؟؟

العريس: يعنى أساعدها تقوم ولا ألحق أشغل الجهاز عشان المنتدى ما يتعطلشى؟؟!!

الأب: دة جيل إيه دة.....هو جاى لينا منين دة؟؟!

العروسة: من النت يا بابا.....من النت؟؟

الأم: الله يقطع النت والى شغالين فى النت؟؟

يا رب تيجى عاصفة تسومانى على النت والى فيه..

الأب:ممكن بقى يابنى تقفل المخروب دة وتكلمنا شوية ؟

العريس: خلاص يا عمى المساعد بتاعى جه بدالى دلوقتى؟؟

إلتفت الجميع حولهم يبحثون عن ذلك المساعد فضحك الموديراتور(اسم العريس على النت)

العريس (ضحك): لأ يا جماعة أنا اقصد إن المساعد بتاعى أخذ مكانى
فى الشغل دلوقتى يعنى أنا دلوقتى جاهز لأى إستفسار لمدة ربع ساعة ؟؟

الأب: لا حول ولا قوة إلا بالله .....طيب يابنى طالما مش فاضى ليه حددت المعاد دة
مش كنت تحدد معاد تكون فاضى فيه؟؟

العريس: يا عمى خير البر عاجله

الأب: طيب..... إحنا لسة متعرفناش بإسمك ولا شغلتك
ولا سنك ولا شهادتك ولا أى حاجة خالص!

العريس: أنا اسمى موديراتور ...دة الإسم المستعار!

قامت الأم تدور حول العريس وتنظر إلى يديه تبحث عن شىء ما ثم مسكت
يده فجأة وهى تقول
ممكن تشمر إيدك يا عريس الهنا ؟

العريس(وهو يشمر): ليه ياحاجة إنتى هطعمينى!!! أنا إطعمت قبل ما آجى عندكوا ‍‍‍‍‍

الأب:ليه قالولك إننا عندنا كوليرا !!!

العريس: لأ يا عمى أصل أنا قاعد ليل نهار فى غرفتى المكيفة
الصحية فلما بروح أى داهية تانية لازم أطعّم؟؟

الأب(بصوت منخفض): داهية لما تخدك يا شيخ!!!

صرخت الأم( وهى تمسك بيده اليمين وترفعها عاليا): يعنى مافيش صليب
إمال إيه موديراتور دة؟ إنت يهودى؟‍‍‍‍‍‍‍‍‍!!!!

ضحكت العروسة وهى تقول: لا يا ماما دة النيك نيم بتاعه

الأم: ال إيه يا ضنايا؟‍‍؟

العريس: خلاص يا جماعة .....أنا إسمى سعيد وعندى 25 سنة يعنى تأبيدة‍‍‍!!!
معايا شهادات كتيرة لو قلتها لكم كلها يبقى هنقعد يومين فبلاش أحسن
وشغلتى مشرف عام على منتدى الفقر حشمة؟؟

بص الوالد إلى المشرف وملابسه البسيطة الغير المتناسقة وهو يقول
سيماهم على وجوههم ‍‍‍‍!!!‍‍‍‍

العروسة(مبتسمة): بجد إنت المشرف بتاع الفقر حشمة .....
ده أنا مشتركة فيه من 5 شهور ؟؟

العريس: ما شاء الله....بس إنتى مش ملتزمة بقوانين المنتدى
ولابسة كويس وعايشة فى عيشة آخر أبهة....

العروسة: أنا عملت كدة عشان عارفة إن فيه عريس جاى يخطبنى ....

الأب: إنت يابنى عاوزها تلبس إيه .... هدوم مقطعة

العريس: لا يا عمى خلاص مش مهم لما أبقى أتجوزها
أبقى البسها مقطع..!!

الأب: ومين قالك إنى وافقت عليك أصلا

العروسة: ومتوافقشى ليه يا بابا دة حتى الموديراتور أكيد هيخلينى مميزة فى المنتدى
مش كدة برضه يا موديراتور ؟؟؟

العريس: طبعا وهعينك معانا من المشرفين على قسم لوحدك ؟

العروسة(بسعادة): بجد..... هتعينى مشرفة على قسم لوحدى

العريس: طبعا وهديكى أسهل وأحسن قسم فى المنتدى

العروسة(فرحانة): هييييه .....هتدينى قسم إيه ؟

العريس: الشكاوى!!!

العروسة (صارخت)
: لا أرجوك .....كله إلا الشكاوى

هز العريس كتفيه وهو يقول
خلاص نفتح قسم للوفيات وأعينك مشرفة عليه

الأب: يا ترى خلصتوا ولا لسة
بص العريس فى ساعته وهو يقول: أنا فعلا وقتى قرب ينتهى
لأن المساعد بتاعى عنده ميعاد مهم ولازم أدخل مكانه..

الأب: أنا مش موافق على الجوازة دى

العروسة: ليه يا بابا دة انا.....

قاطعها الأب صارخ: اخرصى يا بت إنتى وروحى ذاكرى لأخوكى

خرجت العروسة باكية غاضبة بينما إلتفت الأب إلى العريس قائلا
شوف يابنى .....لما تبقى تفضى للجواز إبقى تعالى إتجوز بنتى .....
لكن طول ما إنت فى الفقر حشمة دة مالكشى عرايس عندى
فاهمنى...

العريس: خلاص يا عمى براحتك .... بس إذا كان منتدى الفقر حشمة
هو الى مزعلك أنا ممكن أسيبه

الأب(فرح): بجد يابنى .....طيب سيبه هو فعلا الى مزعلنى
لو سيبته أنا هسيبلك بنتى بدون أى كلام....


شكره العريس ثم جة إليه فى اليوم التالى ومعه نفس اللابتوب وهو يقول
أنا سيبت الفقر حشمة من إمبارح وإشتركت فى منتدى تانى اسمه




اللاجــئـيـن >>>>



سقط الأب على الأرض ميتا وصرخت الأم وبكت العروسة والولد الصغير على والدهم

بينما أعد العريس فى غرفة الصالون يتابع منتداه الجديد


هههههههههههههههههههههه يارب يعجبكم
</td></tr></table>
avatar
حمودة
إداري
إداري

رقم العضوية : 11

عدد المشاركات : 27

نقاط فلاترون للتميز : 53

تاريخ التسجيل : 09/07/2009

وظيفتك في المنتدى : مواطن فلاتروني

ذكر


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مشرف راح يخطب شوفوا شو عمل

مُساهمة من طرف الجاولى المرعب في 9/7/2009, 10:35 pm

مشكورررررررررررررررررررررررررررررر

_________________
avatar
الجاولى المرعب
نائب الملك
نائب الملك

رقم العضوية : 2

عدد المشاركات : 227

نقاط فلاترون للتميز : 378

تاريخ التسجيل : 08/07/2009

وظيفتك في المنتدى : الوزير نائب المدير

ذكر

الاوسمة :


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مشرف راح يخطب شوفوا شو عمل

مُساهمة من طرف Flatron lover في 10/7/2009, 5:12 pm

ههههههههه شكرا جدا
avatar
Flatron lover
عضو جديد
عضو جديد

رقم العضوية : 17

عدد المشاركات : 40

نقاط فلاترون للتميز : 58

تاريخ التسجيل : 10/07/2009

وظيفتك في المنتدى : مواطن فلاتروني

ذكر


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مشرف راح يخطب شوفوا شو عمل

مُساهمة من طرف الجاولى المرعب في 11/7/2009, 1:39 pm

مشكور موضوع مميز

_________________
avatar
الجاولى المرعب
نائب الملك
نائب الملك

رقم العضوية : 2

عدد المشاركات : 227

نقاط فلاترون للتميز : 378

تاريخ التسجيل : 08/07/2009

وظيفتك في المنتدى : الوزير نائب المدير

ذكر

الاوسمة :


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى